ཞི་ལའི་རྫུན་ཚིག

最后更新于:2018-08-26 15:07:57

གནའ་སྔ་མོ་ཞིག་ལ། ཞི་ལ་ཞིག་གིས་དགེ་སློང་ཞིག་གི་དངོས་པོ་མི་ཉུང་བ་བརྐུས།

ཉིན་ཞིག་ལ། ཁོས་དགེ་སློང་གི་ཕྲེང་བ་བརྐུས་ལ། དགེ་སློང་གིས་དོན་དེ་ཤེས་རྗེས་ཞི་ལ་དེ་བདའ་ནས་ཁོའི་རྔ་མའི་བཟུང་ནས་བཅད་པ་ཡིན། རྗེས་སུ་ཞི་ལ་དེར་རྔ་མ་མེད་པས། ཙི་གུ་འཛིན་མ་ཐུབ་པར་ཉིན་མཚན་མེད་པར་ཕོ་བ་ལྟོགས་ནས་བསྡད།

ཉིན་ཉིག་ལ། ཁོའི་སེམས་སུ་ཐབས་ཤེས་ཤིག་དྲན།ཁོས་རྐེ་ལ་ཕྲེང་བ་གྱོན་ནས་ཆོས་འདོན་ཁུལ་བྱས་ནས་བསྡད་ཡོད་སྐབས། ཙི་གུ་ཞིག་ཁོའི་གམ་དུ་ཐོན་བྱུང་།ཁོས་ཙི་གུ་དེ་ལ་འདི་ལྟར་བཤད “ཡ་་་་་་ང་དགེ་སློང་ཙི་གུའི་ལྷ་ཡིན།ངས་གཞན་གྱི་སྲོག་མི་གཅོད།བརྐུ་མི་བྭྱེད། དེས་རྐྱེན་གྱིས་ཙི་གུ་ཁྱེད་ཚོ་ང་ལ་སྐྲག་མི་དགོས།ངས་ཁྱེད་ཚོར་ཆོས་གནངས་ཆོག” ཅེས་རྫུན་བཤད། ཙི་གུ་དེས་ཞི་ལ་འདི་ངོ་མ་ཡ་མཚན་ཞིག་རེད།ང་ཚོ་ཙི་གུ་ཚོར་ངོ་མས་བཟང་གི་སྣམ་ནས།ཁོས་ཙི་གུ་ཚང་མ་བོས་ནས།ཡོད་ཚད་ཡོང་ནས་ཆོས་ལ་ཉན། ཞི་ལས་ཀྱང་ཆོས་བཤད་ཁུལ་བྱས་ནས་བསྡད།དེ་ནས་ཁོ་རང་འཐགས་ཞིག་གི་སྟེང་དུ་བསྡད་ནས། ཙི་གུ་ཚོ་ལ་གྲལ་སྒྲིག་ཏུ་བཅུག་ནས་ཁོར་བསྐོར་བ་བྱེད་དུ་བཅུག བསྐོར་བ་བྱེད་བཞིན་པའི་སྐབས་སུ་ཁོས་ཙི་གུ་ཚོའི་ཁྲོད་ཀྱི་ཆེས་རྗེས་མ་དེ་བཟུང་ནས་ཟ་གྱིན་འདུག དེའི་རྐྱེན་ཀྱིས་ཙི་གུ་དག་ཉིན་རེ་ནས་ཉིན་རེར་ཇེ་ཉུང་ནས་ཇུ་ཉུང་དུ་གྱུར དེ་བས་ཙི་གུ་ཚོས་ཀྱང་ “ཨ་ཡ་མཚན་་་་་་་འུ་ཅག་ཙི་གུ་ཚོ་ཇུ་ཉུང་ནས་ཇེ་ཉུང་ཡིན་པ་ཅི་ཡིན་ནམ”    ཞེས་བགྲོ་གླེང་བྱས། ཁོ་ཚོས་བསམ་བློ་ཡང་ཡང་བཏང་ནས་གྲོས་བསྡུར་བྱས་མཐར་ཞི་ལའི་སྟེང་ལཡོད་དོགས་པ་སྐྱེས དེ་ནས་ཙི་གུ་ཚོའི་དཔོན་པོ་ཞིག་ཡོད་པ་དེས་ཞི་ལ་སློབ་དཔོན་ཀྱི་སྟུག་པའི་ནང་དུ་སྤུ་དང་རུས་པ་ཡོད་མཐོང་། དེ་བས་ཞི་ལ་སློབ་དཔོན་གྱིས་རྫུན་བཤད་གྱིན་འདུག་སྙམ་ནས། ཉིན་ཞིག་ལ་ཁོ་ཚོ་ཚང་མས་འདི་ལྟར་དྲིས། “ ཨ་ཁུ་ཞི་ལ་སློབ་དཔོན་ལགས ཁྱེད་ཀྱིས་དུས་རྒྱུན་ཟ་མ་ཅི་ཞིག་ཟ་གྱིན་འདུག” ཅེས་དྲིས། ཁོས་བཤད་རྒྱུར་  “ ཨོ་ངས་ལོ་ཏོག་དང་རྩ་ཟ་བཞིན་འདུག”  ཟེར། དེ་ནས་ཙི་གུའི་དཔོན་པོ་ར་ཚང་གིས་ཙི་གུ་ཚང་མ་མཉམ་གཅིག་ཏུ་བསྡུས་ནས་   “ཨ་རོག་ཚོ ཞི་ལ་སློབ་དཔོན་གྱིས་འུ་ཅག་ལ་རྫུན་བཤད་གྱིན་འདུག  ཁོའི་སྟུག་པའི་ནང་དུ་སྤུ་དང་རུས་པ་ཡོད  འུ་ཚོས་འདིར་ཐབས་ཤིག་འཐེན་དགོས་ ཤེས་བཤད།” དེ་ནས་ཁོ་ཚོས་དྲིལ་བུ་ཞིག་ཁྱེར་ཡོང་ནས་  “ཞི་ལ་སློབ་དཔོན་ལགས འདི་ནི་ང་ཚོས་ཁྱེད་ལ་ཕུལ་བའི་རྒྱན་ཆ་ཡིན །” ཞེས་བཤད།  ཞི་ལའི་སྐེ་ལ་དྲིལ་བུ་ཞིག་བཏགས།

དེ་ནས་ཁོས་ཙི་གུ་དག་ལ་ཁྲུས་བྱས་ནས་ཁོ་ཚོར་གྲལ་སྒྲིག་ནས་བསྐོར་བ་དྱེད་དུ་བཅུག སྐབས་དེར་དྲིལ་བུ་གྲགས་མ་ཐག ཙི་གུ་ཚོས་མྱུར་དུ་བལྟས་པ་ན ཞི་ལ་སློབ་དཔོན་གྱིས་ཙི་གུ་ཆེས་རྗེས་མ་དེ་བཟུང་ནས་ཟ་བཞིན་པ་མཐོང་བྱུང་། སྐབས་དེར་ཙི་གུའི་དཔོན་པོས  “སློབ་དཔོན་རྫུན་སྐྱ། ཁྱོད་ཀྱི་སྟུག་པའི་ནང་དུ་སྤུ་དང་རུས་པ་ཡོད་པ་དེ་ཁྱོད་ཀྱིས་ངིུཅག་ཙི་གུ་དག་བཟུང་ནས་ཟོས་པ་རེད་།” ཞེས་བཤད་པ་ན། ཞི་ལས “ཨ་ཁ་ཁ  ངས་སྟུག་པའི་སྟེང་དུ་ས་འདེབས་རྒྱུ་བརྗེད་ཟིན” ཞེས་བཤད་ཞོར་མྱུར་དུ་སོང་ནས་སྟུག་པའི་སྟེང་དུ་ས་འདེབས་སྐབས། ཙི་གུ་ཚང་མ་རང་རང་སར་བྲོས་སོང་།

ཇོ་འཇལ་གྲྭ་བ།

最后更新于:2018-08-26 15:00:30

གནའ་སྔ་མོ་ཞིག་ལ།  གྲྭ་བ་གཉིས་ལྷ་སར་ཇོ་འཇལ་དུ་འགྲོ་བའི་སྐབས་སུ།  ཁོ་གཉིས་ཁ་འཆམ་ནས་ལྷམ་གསར་ཁྱེར་རྙིང་བ་གོན་ལམ་ལ་ཆས། དེ་ནས་ལྷ་ས་མ་ཐོན་པའི་ལམ་བར་ནས་གྲྭ་བ་ཅིག་ནད་ཀྱིས་བཟུང་ནས་སྐུ་གྲོངས་སོང་བ་རེད།

ཡིན་ཡང་ཅིག་ཤོས་དེ་ལྷ་ས་ཕྱོགས་སུ་ཕྱི་ཉིན་གྲོངས་སོང་བའི་གྲྭ་བ་དེ་གྲྭ་བ་ཅིག་ཤོས་དེའི་རྗེས་ཆོད་ནས་གློ་བུར་དུ་”ཨ་རོག  དབུས་གྲོགས།  ཁྱེད་ཀྱི་ལྷམ་ཆ་ཅིག་ང་ལ་གཡོར་”ཟེར། གྲྭ་བ་ཅིག་ཤོས་ཡ་མཚན་སྐྱེས་ཞོར་ཁྱོད་ཤི་སོང་བ་མིན་ནམ། ཤི་དུས་ལྷམ་ད་དུང་མེད་དམ། ངའི་ལྷམ་གསར་རྙིང་གཉིས་ཀ་འདུག  ཁྱེད་ཀྱི་ལྷ་གཉིས་ཀ་ཐད་སོང་ངམ།  ཨ་ཆོས་ཐག་ཞེས་བཤད་པ་དང་།  ད་ལྟ་ངའི་དབུས་གྲོགས་འདི་མི་ཞིག་མ་རེད་འདོད་ནས་སོང་། གྲོངས་བའི་གྲྭ་བ་དེའི་ཁོ་ལ་ང་ད་ཐེངས་ཇོའུ་འཇལ་དུ་་སོང་ན་ངས་ཇོ་བོ་ལ་མཆོད་མེ་འཇོག་པའི་དོན་དག་འདི་མི་གཞན་ལ་བཤད་མི་རུང་། དེ་མིན་ན་ངས་ཁྱེད་རང་བཟའ་རྒྱུ་ཡིན་ཞེས་འཇིགས་རུང་གིས་བཤད་གིས་བཤད།

གྲྭ་བ་ཅིག་ཤོས་ཀྱི་སེམས་ངོར་ཇོ་བོར་མེ་འཇོག་པ་དེ་གསང་རྒྱུའི་དོན་ཞིག་ཡིན་ན་འདི་ལྟས་ངན་པ་ཡིན་རེད་བསམ་བཞིན་སོང་།ཉིན་མང་པོ་འགོར་རྗེས་གྲྭ་བ་ཅིག་ཤོས་དེ་ལྷ་སའི་ཇོ་བོ་ལ་འཇལ་ནས་མཆོད་འབུལ་བྱས་ཤིང་།སྔོན་གྱི་ལམ་བར་དུ་དབུས་གྲོགས་ཤི་བ་དང་རང་ལ་ལབ་པའི་སྐད་ཆ་འཕྲད་པའི་དོན་དག་བཅས་ཡོད་ཚད་ཞུས་ཤིང་སྙིང་ནས་ཇོ་བོར་གསོལ་བ་བཏབ། དེ་ནས་ཕྱིར་ལོག་པའི་ལམ་བར་ནས་སྡེ་བ་ཞིག་ནས་ཉིན་འགར་ཞག་སྣོད་བྱས་ལ།  སྡེ་བ་དེར་ཕ་གའི་གྲོག་རོང་གི་གཏིང་སར་འདྲེ་ཞིག་ཡོད་པ་དེ་གླེང་གཞིར་གྱུར་འདུག་པས།   གྲྭ་བའི་སེམས་སུ་འདྲེ་དེ་རང་གི་དབུས་གྲོགས་བ་དེ་ཡིན་རྒྱུ་རེད་བསམ་ནས་སྐྲག་བྱུང་།  ལམ་ལ་ཆས་མ་ཐུབ་པར་སྡེ་བ་ནས་སྡོད་དགོས་བྱུང་།

ཉིན་ཞིག་ལ་གྲྭ་བ་རྒན་བ་ཞིག་སྡེ་བ་དེར་ཐོན་ནས་ཁོའི་མདུན་སར་འདྲེ་དེའི་གནས་ཚུལ་དང་གར་བསྡད་ཡོད་སོགས་དྲིས།  གྲྭ་བས་གར་བསྡད་ཡོད་པའི་ཤེས་ལ་ངས་བསྟན་ཡང་ཆོག   འོན་ཀྱང་ང་དེ་གར་འགྲོ་བའི་སྙིང་སྟོབས་ཡེ་ནས་མེད་ཞེས་བཤད།  གྲྭ་བ་རྒན་པའི་ཁོ་ལ་ལམ་དང་ས་གནས་སྟོན་དུ་བཅུག་རྗེས་རང་ཉིད་གཅིག་པུ་གྲོག་རོང་གི་ཕུགས་ལ་བུད་སོང་།  གྲོག་རོང་གི་ཕུགས་སུ་བྲག་ཕུག་ཅིག་ཡོད་པ་དེའི་ནང་དུ་སོང་ན ས་དཀྱུལ་དཀྲུང་བཅས་ནས་བཞུགས་པ་དང་དམ་པའི་ཆོས་གསུང་བཞིན་སྒུག་ནས་བསྡད།  ཅུང་ཙམ་གྱི་རྗེས་སུ།  འདྲེ་དེས་འབྲོང་ཕྲུག་གསུམ་དེད་ཅིང་འབྲོང་སྐེད་ཅིག་སྐེ་ལ་འཁུར་ཞིང་འབྲོང་མགོ་ཞིག་ལ་སོས་བསྣུན་བཞིན་དམར་ཙ་རེར་སླེབས་བྱུང་།

གྲྭ་བ་དེ་མཐོང་མ་ཐག་འདྲེ་དེ་འགྲག་འགུལ་མེད་པ་དང་ཅི་བྱ་་གཏོལ་མེད་དུ་འགྱུར་ནས་ཡུད་ཙམ་ལ་འབྲོང་མགོ་མུ་མཐུད་དུ་བསྣུན་ནས་བསྡད།   ཅུང་མ་འགོར་བར་འདྲེ་དེ་ཇེ་ཆུང་ནས་ཇེ་ཆུང་མཐའ་འཇུག་མེད་པར་གྱུར་སོང་།  དེ་ནས་གྲྭ་བ་རྒན་པ་དེ་ཕྱིར་གྲྭ་བའི་མདུན་ལ་སླེབས་ནས་འདྲེ་དེ་ད་ལྟ་ངས་བཏུལ་སོང་། ཁྱོད་སྐྲག་མི་དགོས།  ཁྱེད་རང་ཕྱིར་ཡུལ་ལོགས་ཆོག  ཡུལ་ལ་ཐོན་པའི་ཉིན་དང་པོར་རང་གི་ཤ་ཉེ་ཚང་ཞིག་ནས་ངོ་མ་བུ་ཞིག་སྐྱེས། མ་གཞིར་གྲྭ་བ་རྒན་པ་དེ་ཇོ་བོ་རིན་པོ་ཆེའི་སྤྲུལ་བ་ཡིན་པ་རེད།